Como xa anunciou este medio, a nova xerencia do Bar Club Fluvial, empeza este mes unha nova xeira coa intención de dinamizar as fins de semana con interesantes propostas gastronómicas acompañadas de boa música.

Este venres 22 de outubro anúnciase a presenza do grupo indie Malenne, que ofrecerá un concerto ás 23:00 h. A entrada é de balde e poden acceder socios/as e non socios/as.

No que respecta á cea previa, esta será ás 21:45 h. e cun menú pechado por tan só 20 euros composto por langostinos á prancha, costela de porco ibérico, ensalada completa, viño e sobremesas.

MALENNE

Esta banda monfortina formouse no ano 2020 e caracterízase por facer versións Indie e Pop. No seu repertorio interpretan temas de formacións musicais, como por exemplo: Ízal, Vetusta Morla, Supersubmarina, Miss Cafeína, Iván Ferreiro, Los Piratas, Second, Taburete, Fito ou M-Clan.

Os seus compoñentes son: Adrián Castañer, o vocalista; Anxo López e Adrián Cortiñas, guitarras; Berto López, baixo; Manolo Canario, batería; e Nelson Leite, teclado.