As obras financiadas con 63.000 euros pola Consellería de Cultura, Educación e Ordenación Universitaria incluíron tamén outras actuacións de mellora da accesibilidade e da eficiencia enerxética no centro.
Para a montaxe do ascensor modificouse a distribución interior tanto na planta baixa como na primeira. Esta dotación mellorará a accesibilidade do centro e dará solución ás necesidades de persoas con mobilidade reducida.
En canto ás ventás completouse a súa renovación, actuando no primeiro andar, despois de que en anos anteriores se actuara na planta baixa. Desde o 2009 véñense facendo obras de mellora neste centro no que a Administración galega leva investidos case 400.000. Entre as obras realizadas con anterioridade destacan a cuberta da pista exterior, a reforma dos aseos, varias actuacións de melloras eléctricas e de accesibilidade e a substitución de canlóns.
O obxectivo deste tipo de melloras segundo o delegado territorial da Xunta en Lugo, José Manuel Balseiro, é apostar por unha educación pública de calidade con colexios que se atopen nas mellores condicións. Na súa visita ao centro, Balseiro estivo acompañado polo alcalde de Pantón, José Luis Álvarez.