Adif adxudica a rehabilitación de dúas trincheiras na liña Monforte-Vigo

Adif aprobou a adxudicación dun contrato para a rehabilitación de tres trincheiras na rede ferroviaria galega de ancho convencional, dous delas na liña Monforte de Lemos-Vigo e unha terceira na liña Guillarei-fronteira portuguesa. O contrato, adxudicado á empresa Contratas Vilor, por un importe de 1.614.944,65 euros.

Estación de tren de Monforte | P.C.

O contrato comprende o reforzo e reparación das tres trincheiras ferroviarias co obxectivo de mellorar as súas condicións de conservación e durabilidade. Na liña Monforte de Lemos-Vigo serán obxecto de reparación dúas trincheiras, localizadas nos seguintes puntos quilométricos (pp. kk.): – 51/030 ao 51/130 (termo municipal de Ourense): realizarase un saneo do noiro, retirada de bloques soltos, limpeza de cunetas, reaxuste da malla de cable, así como a súa reparación e substitución nos casos necesarios, e aumento do bulonado, con malla regular de 3×3 m e bulones de 4 m de lonxitude. – 68/100 ao 68/300 (Ribadavia): executarase un retaluzado para garantir a súa estabilidade e dispoñeranse novos sistemas de drenaxe para reconducir as augas superficiais.

Pola súa banda, na liña Guillarei-fronteira portuguesa, repararase a trincheira entre os pp. kk. 4/172 e 4/703 (Tui). Empregarase un sostemento mediante claveteado de chans (técnica coñecida como ‘ soil nailing’). Dispoñeranse bulones pasivos nunha malla e reforzarase cunha capa de mallazo electrosoldado e armaduras de reforzo nos bulones.

Estes traballos contribúen á consecución do Obxectivo de Desenvolvemento Sostible (ODS) número 9, que ten entre as súas metas desenvolver infraestruturas fiables, sostibles e de calidade.

Esta actuación de mellora enmárcase dentro da potenciación do Corredor Atlántico, que inclúe a conexión ferroviaria con Galicia a través do eixo A Coruña-Vigo-Ourense-León. O obxectivo final destas actuacións é aumentar a capacidade e fiabilidade da rede ferroviaria para incrementar os tráficos tanto de pasaxeiros como de mercadorías, mellorando a calidade do servizo. Ademais das actuacións orientadas a modernizar a rede, o Corredor Atlántico inclúe as conexións ferroportuarias e outras instalacións loxísticas.

DEIXAR UN COMENTARIO

Please enter your comment!
Please enter your name here