O primeiro distintivo foi outorgado polos avances en internacionalización de Vinigalicia que en 2021 xa está presente en 27 países. A pesar da situación sanitaria, a exportación presentou un comportamento moi positivo na compañía: lograron aumentar a súa facturación e a súa carteira de clientes en países nos que xa tiña presenza, creando novas marcas adaptadas ás súas necesidades e, tamén, conseguiron levar as súas marcas propias a máis países a través de novos distribuidores.

No que respecta ao indicador de Empresa Innovadora, o grupo adegueiro atópase en pleno cambio implantando melloras tanto na xestión comercial como a nivel produtivo, coa tecnoloxía como foco para crecer e ser máis sostibles no futuro.

Só o 5% das empresas galegas consegue alcanzar os criterios establecidos para obter estes distintivos, polo que supón un orgullo para a compañía conseguilos un ano máis.

Esta familia adegueira nace no ano 1940 e a día de hoxe logrou estar presente nas 5 denominacións de orixe galegas ofrecendo unha gran variedade de marcas