Desde C@urel Vivo aseguran que no Courel son habituais os problemas para aterraxe de helicópteros, “No século XXI e non ter varios puntos xeolocalizados, que servan  para aterraxe e urxencia; é por unha pasividade total do Concello. Temos un heliporto de 154 mil€ que non serve para iso e recentemente tiveron que aterrar nun lameiro a kilómetros para un paciente.”

C@urel Vivo asegura que a última obra  para emerxercias no concello foi a da Área recreativa e heliporto en Seoane, “Gastáronse 154.500€ e non serve para o que foi deseñado, xa que ten un vaiado tan alto que os pilotos dos helicópteros non poden aterrar nel.”

Partindo da base de que a saúde debería de ser o primeiro, C@urel Vivo esixe ao concello que retire a altura deste vaiado e o deixen para non estorbar ante futuros aterraxes de emerxencias. “Tampouco é normal que a camilla e persoal médico teña que ser transladado desde o lugar de aterraxe ó Centro de Saúde nunha furgoneta particular dun veciño,” insisten desde C@urel Vivo,  polo que pediranlle ao concello que a Xunta cumpra cos servizos sanitarios no Courel e que a administración local habilite unha zona de aterraxe, cando menos en cada parroquia “xa que 10 minutos pode ser a diferenza entre vivir ou morrer”