Esta proposta supón unha nova a aposta polo desenvolvemento do sector
turístico no Destino Courel, no que se deseñaron actuacións configuradas por diferentes accións, enfocadas a un mesmo obxectivo: o desenvolvemento do turismo gastronómico e sustentable no xeodestino Courel.

Entre as accións que se levan a cabo, este xoves presentouse en Triacastela o Obradoiro de Emprendemento “Destino Courel” que se desenvolveu ao longo de toda a xornada.

Coa premisa de impulsar proxectos sustentables e nesta aposta do destino por este tipo de talento ofrecéuselles aos emprendedores e
produtores locais do Courel, O Incio, Triacastela e Samos, ampliar a súa formación sobre o mundo da castaña e o mel. Esta formación estivo dirixida principalmente a negocios de restauración, obradoiros de pastalería e confituras, produtores de experiencias turísticas, produtores de mel, artesáns, comerciantes, etc.

O día 25 de novembro en Folgoso do Courel desenvolverase unha Xornada de Creación de Experiencias Turísticas. Búscase apostar polo local a través dunha oferta ben diferenciada que axude á zona para posicionarse nun mercado cada vez máis competitivo pero tamén cada día máis colaborativo.

Xa o 1 de decembro presentarase en Folgoso do Courel o Club de Produto Turístico Gastronómico da Castaña e do Mel, trátase da integración de recursos turísticos e gastronómicos baixo o denominador
común de ofrecer garantía de calidade, revalorización, promoción e mellora da zona, facilitando a comercialización conxunta e impulsando o desenvolvemento económico e social do Courel.