A riqueza da gastronomía do Courel, baséase principalmente nos alimentos máis característicos da zona como as castañas e o mel, que serán o foco central do I Obradoiro de Emprendemento “Destino Courel”. Programarase un modelo de encontro aberto no que se fomentará a participación dos profesionais ou futuros profesionais, ampliando a súa formación e coñecementos

O obradoiro ten como destinarias a todas aquelas persoas que estean interesadas en comezar a súa andaina nun oficio ou proxecto relacionado coa castaña e o mel a través do emprendemento, sen esquecer todos aqueles profesionais que queiran desenvolver ou mellorar o seus modelos de negocio ou actividades profesionais neste sector: restauración, obradoiros de pastelería e confeituras, produtores de experiencias turísticas, produtores de mel, artesáns, comerciantes, etc. A inscrición é de balde no https://destinocourel.org/actividades/

O obradoiro desenvolverase en horario de 16.00 a 20.30, analizando cuestións como: cultura emprendedora dos 0 os 100 anos, teña ou non teña un negocio; como podo rentabilizar a miña estructura ou o meu territorio?, análise de casos de éxito: proxectos de emprendemento para a potencialización de produtos locais no destino, oportunidades no Destino Courel ou emprender coa castaña e o mel, unha oportunidade de negocio.