O mural en cuestión realizouse no Concello de Triacastela para a exposición “Las Estrellas del Camino” de Estrella Galicia, representa ao Luthier de Sarria Xermán Arias e agora vén de ser seleccionado pola comunidade de arte urbano Street Art Cities entre as cen mellores obras urbanas do pasado 2021.

Sabemos por Xermán, protagonista do mural, que a fotografía foi sacada polo equipo de traballo de Mon Devane e que lle pareceu “unha obra fabulosa por captar tan ben o momento de concentración no traballo”.

O autor da obra, Mon Devane, tamén fixo o pasado ano o mural de Xela Arias onde a Capela do Lázaro en Sarria e outros por diferentes puntos da Ribeira Sacra a partir de encargos do Consorcio de Turismo.

Pódese votar polo mural de Xermán Arias accedendo á web de Street Art Cities.