HomesociedadeMonforte promociona en Fitur o seu pasado xudeu e a Ribeira Sacra

Monforte promociona en Fitur o seu pasado xudeu e a Ribeira Sacra

A primeira Tenente de Alcalde de Monforte, Gloria Prada Rodríguez, participou este mércores nun acto no Stand de Galicia en Fitur no que a cidade do Cabe foi protagonista xunto ás outras dúas cidades galegas que forman parte da Rede de Xudarías de España, Ribadavia e Tui.

Publicado o

POR
Redacción
- Advertisement -

O acto enmarcouse dentro do programa de actividades do stand de Galicia en Fitur, un acto organizado pola Red de Juderías baixo o lema “Descubrindo as xudarías galegas de Monforte de Lemos, Ribadavia e Tui”. A actividade promocional tamén serviu para dar a coñecer outros valores artísticos, patrimoniais, paisaxísticos e gastronómicos específicos de cada unha das cidades presentes.

Gloria Prada iniciou a súa intervención resaltando que “Monforte como capital da Ribeira Sacra é un paraíso dentro da provincia de Lugo, na que é a segunda cidade da provincia”. Resaltou a importancia do conxunto monumental de San Vicente e da súa Torre da Homenaxe, onde se atopan importantes pegadas do pasado sefardí a través dos “signos lapidarios da estrela de Salomón”. Unha pegada, a do pobo xudeu, presente nas rúas, prazas, murallas e casas da cidade,.

A representante monfortina tamén fixo un repaso pola importante oferta turística que ofrece a cidade, dende o Parador de Turismo, pasando polo Casco Histórico declarado Ben de Interese Cultural en 1973, os Escolapios –o “Escorial galego”-, os museos da cidade, ou o Miradoiro do Duque, sen esquecer a oferta gastronómica, vinícola –grazas á “viticultura heroica”-, e de grandes eventos de periodicidade anual, como a Feira Medieval, o Festival do Viño ou as Festas Patronais.

Tras a súa intervención, procedeuse á proxección dun vídeo promocional da cidade de Monforte, prestándolle especial atención á súa xudaría. As actividades promocionais do concello de Monforte seguirán ao longo desta semana.

ÚLTIMAS

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...