En obradoiros anteriores os mozos e mozas aprenderon o que significa ser unha persoa activista tanto na Galiza coma noutras partes do mundo. Tamén reflexionaron sobre como as ferramentas comunicativas como a radio, pódenlles axudar no seu compromiso social.
Nestas semanas os mozos e mozas, como se fosen auténticos xornalistas, tras investigar e facer os guións das súas reportaxes, locutarán e gravarán en “falso directo” os seus propios programas de radio de denuncia e transformación social.
Este proxecto de educación para a cidadanía chega á 9 edición e é posible grazas a unión de tres ONGDs, Solidariedade Internacional de Galicia, Asociación Galega de Comunicación para o Cambio Social (Agareso) e Asemblea de Cooperación pola Paz (ACPP) e ao financiamento da Dirección Xeral de Relacións Exteriores e coa UE. Forma parte da plataforma de innovación educativa ‘Plan Proxecta’, impulsada pola Consellería de Cultura, Educación e Ordenación Universitaria.
HORARIOS DA GRAVACIÓN DO PROGRAMA RADIAL:
Martes 8 de marzo: IES A Pinguela (Monforte de Lemos, Lugo)
· 9:35h – 11:15h: 1º e 2º ciclo xestión
· 15:35h -17:15h: 1º e 2º ESO
