Iniciosociedade919.000€ para mellorar pontes e explanacións no tramo Ourense-Monforte

919.000€ para mellorar pontes e explanacións no tramo Ourense-Monforte

Adif adxudicou un contrato para o tratamento de elementos da infraestrutura (pontes e explanacións), situados en aproximadamente 9 km do tramo Ourense-Monforte de Lemos. O contrato foi adxudicado á empresa Seranco por un importe de 919.116 € (IVE incluído) e conta cun prazo de execución de 7 meses e 15 días.

Publicado o

POR
Redacción
- Advertisement -

Adif adxudica obras de adecuación de pontes e explanacións no tramo Ourense-Monforte de Lemos. Os elementos para tratar, incluíndo oito pontes, están situados entre os puntos quilométricos 000/000 e 009/059 da liña Monforte de Lemos-Vigo. O obxectivo é adaptar os elementos da infraestrutura ás novas condicións de explotación, mediante as seguintes actuacións:

  • Impermeabilización de estruturas.
  • Selaxe de xuntas transversais e lonxitudinais desde a fibra superior dos taboleiros (pontes).
  • Adecuación da plataforma ao gálibo requirido.

Mellorarase tamén a drenaxe da infraestrutura, mediante a construción de novos elementos de drenaxe, e a limpeza e adecuación dos xa existentes. Estes traballos forman parte dos proxectos de modernización do corredor ferroviario Ourense-Monforte de Lemos-Lugo e perseguen unha dobre finalidade: mellorar o estado da infraestrutura e aumentar a fiabilidade das liñas e a calidade do servizo. Ademais, servirán para adaptar os elementos obxecto deste contrato ás novas condicións de explotación que traerán consigo as actuacións de mellora previstas neste tramo.

As melloras no traxecto Ourense-Monforte de Lemos-Lugo inclúen a modernización e adecuación das instalacións existentes, así como a electrificación a 25 kV en corrente alterna do corredor, adaptando a electrificación existente no tramo Ourense-Monforte de Lemos e dotando de catenaria e instalacións eléctricas ao tramo Monforte de Lemos-Lugo. A primeira destas melloras, a variante da Pobra de San Xiao, entre Monforte de Lemos e Lugo, xa está en servizo desde abril de 2018. Entre os principais beneficios deste novo trazado, duns 7 quilómetros de lonxitude, destaca a supresión dos 14 pasos a nivel do anterior traxecto, co consecuente aumento da seguridade ferroviaria, viaria e peonil, así como o incremento da velocidade de paso dos trens ata o 160 km/ h.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...