A Consellería do Medio Rural, a través da Axencia Galega da Calidade Alimentaria (Agacal), promove por terceiro ano consecutivo a campaña “Come Local” nos comedores escolares, co fin de impulsar o consumo dos produtos agroalimentarios galegos con indicativo de calidade nestes espazos educativos.
O Concello de Sober súmase por vez primeira a esta campaña a través do CEIP Plurilingüe Virxe do Carme, o único da Comarca que formará parte desta iniciativa. Ata o vindeiro 21 de xuño de 2022, impartirase formación e asesoramento aos responsables dos comedores adheridos a este programa.
Haberá degustacións de menús especiais e desenvolveranse actividades formativas tanto sobre as características nutricionais dos propios produtos, como o impacto que supón o consumo de produtos certificados na consecución dos Obxectivos de Desenvolvemento Sostible da ONU.
