Os Gin Toni’s preparan un novo concerto, neste caso por terras valdeorresas. Será o vindeiro sábado 12 de marzo no local Bravo Lux, un dos poucos que segue apostando na zona pola programación de música en directo.
A entrada será a un prezo de 5 € con consumición de refresco ou cervexa e permitirase o acceso ata completar aforo. O comezo da actuación está programado para a 00:30 h., na madrugada do sábado ao domingo.
Gin Toni’ s é unha Banda divertida, apaixonada e elegante que cada noite consegue unha incrible conexión co público dos seus concertos. Unha vez máis viaxarán polas versións dos mellores temas do Pop Rock español, desde os 80 ata a actualidade: Seguridad Social, Rebeldes, Revolver, El Último de la Fila, Fito y Fitipaldis, Radio Futura, Loquillo, Los Rodríguez, Barricada, M-Clan, Los Refrescos, Los Secretos, La Unión, Joaquín Sabina, Siniestro Total … Cun directo fresco, un repertorio repleto de conocidísimas cancións e unha elegante posta en escena, transportarannos ás Décadas Douradas da música Española e poñeranlle unha cor diferente a esta noite de sábado, a piques de saír do inverno e con ganas tolas de pasalo en grande cun dos mellores tributos ao Pop Rock de Galicia.
E DESPOIS DO CONCERTO…
Para dar continuidade á gran noite, ao acabar o concerto un DJ pinchará o mellor tecno para aqueles e aquelas que sigan con ganas de festa. Dani Arguello ( DJ Simago), de Economato DJs, será o artista invitado para a ocasión.
