Circuítos de orientación escolar a pé no IES A Pinguela

Nas máis de 3 hectáreas de zonas verdes que ten o centro agora incorpóranse uns circuítos permanentes de orientación escolar a pé, instalados, homologados pola Federación Galega de Orientación e listos para ser utilizados por profesores e alumnos.

Circuíto orientación escolar a pé / IES A Pinguela

O IES A Pinguela está nun enclave verde de máis de 3 hectáreas no que locen o xardín botánico e un xardín de plantas aromáticas, dúas estacións
meteorolóxicas, un invernadoiro escolar, o planetario Matías Vázquez… e
agora estes circuítos permanentes de orientación escolar a pé. Ademais, foron os primeiros en utilizar códigos QR e a app Trictrack para xestionalo.

“Sen dúbida, é un paso máis no traballo dun deporte que ten dado moitas alegrías e éxitos deportivos ó noso alumnado: campionatos provinciais e galegos, e tamén a clasificación para o campionato de España de 2019 que se celebrou en Cáceres,” sinalan desde o centro.

Circuíto orientación escolar a pé / IES A Pinguela

Os circuítos inauguráronse despois dunhas clases teóricas dos responsables da Federación Galega e do profesor de Educación Física do IES. Valeulles de entrenamento para a próxima fase provincial, fixeron deporte ó aire libre e pasárono moi ben. “Estamos seguros de que vai a ser un recurso educativo e deportivo, moi integrado no medio natural, ó que se lle vai a sacar rendemento en distintas materias e tamén axudará a potenciar o
noso Selo Vida Saudable!”, conclúen.

DEIXAR UN COMENTARIO

Please enter your comment!
Please enter your name here