IniciosociedadeA 'caza do lixo' en Castro Caldelas

A ‘caza do lixo’ en Castro Caldelas

Cazadores da Terra de Caldelas e o Concello de Castro Caldelas levaron a cabo traballos de limpeza do monte o pasado sábado, 7 de maio.

Publicado o

POR
Redacción
- Advertisement -

Tras o éxito do pasado ano, nunha singular ‘batida’ na que o obxectivo a cazar era o lixo do monte da contorna, un grupo de Cazadores da Terra de Caldelas, en colaboración co concello, repetiron esta acción o sábado 7 de maio.

Nesta ‘Caza de lixo’ participaron cazadores cos seus vehículos e remolques recollendo diferente clase de lixo que previamente fora localizado nos montes do Concello de Castro Caldelas. Ao rematar os traballos enchéronse, con dez remolques dos vehículos participantes, máis de 3 contedores do Punto Limpo calculando arredor de dous mil quilos de lixo. Entre os obxectos recollidos había, por exemplo, bañeiras de ferro, sofás, caldeiros, persianas, carretillas, escaiola, uralita, plásticos, colchóns, potas, rodas… e así unha longa lista de obxectos de ferro, madeira e plástico.

Parte do lixo recollido. Foto: Concello de Castro Caldelas

A Alcaldesa, Sara Inés Vega, pronunciouse ao final da xornada: “quero trasladar o meu agradecemento ás personas que colaboraron, así como a Protección Civil do Concello polo traballo realizado”.

Estas II Xornadas de “Caza de lixo” que se celebraron en Castro Caldelas coa iniciativa de cazadores é un exemplo de respecto e axuda á sostenibilidade do medio natural e á paisaxe da contorna. En palabras de Sara Inés Vega, “a súa colaboración permítenos descubrir e localizar vertedoiros ilegais de difícil acceso así como a retirada deles ao Punto Limpio do Concello”.

Cazadores descargando lixo no Punto Limpo. Foto: Concello de Castro Caldelas

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...