A D.O. Ribeira Sacra acode por segunda vez á London Wine Fair, despois de estrearse na feira anglosaxoa en 2019. Do 7 ao 9 e xuño ten lugar esta cita que reúne a máis de 14.000 viños de 32 países e conta coa asistencia de importadores e distribuidores de todo o mundo. En febreiro de 2020, a D.O. tamén acudía a Londres con Decanter a través dunha acción promocional de IGAPE.
Acudir á feira de Londres contribúe a consolidar as vendas das adegas da Denominación que xa exportan ao mercado anglosaxón e abre a posibilidade a outras adegas. Con esta cita, a D.O. Ribeira Sacra pecha a participación nas feiras internacionais por este ano, despois de levar o sabor dunha paisaxe a Vinexpo, Prowein ou Fenavin.
Acoden á London Wine Fair as seguintes adegas:
- Adega Cachín S.C.
- Adega Saíñas S.L.
- Adegas e Viñedos Vía Romana S.L.
- Adegas Salvadur S.L.
- Alvarín Losada, Mª Gloria
- Bodega Soutelo S.L.
- Bodegas Rectoral de Amandi S.A.U.
- Don Bernardino S.L.
- Finca Míllara Bodegas y Viñedos S.L.
- Grupo Peago S.L.
- Marcelino Tierras y Vinos S.L.
- Marcos Fernández, Ramón
- Moure Fernández Rubén
- Regina Viarum S.L.
- Rodríguez López, Víctor Manuel
- Ronsel do Sil S.L.
