HomesociedadeAlumnado do CEIP de Quiroga promove o Camiño de Inverno xunto cos...

Alumnado do CEIP de Quiroga promove o Camiño de Inverno xunto cos Gin Toni’s

O videoclip que gravaron, "Pasiño a pasiño", foi o traballo final da rapazada para participar no Plan Proxecta "Vexo, Veo Xacobeo" que ten como obxectivo promover algún dos Camiños a Santiago. O resultado podédelo ver aquí.

Publicado o

POR
XMF
- Advertisement -

Falamos con Belén Maseda, profesora do CEIP de Quiroga, que nos conta un pouco a cronoloxía e o obxetivo desta colaboración que tivo o centro co coñecido grupo Gin Toni’s.

Segundo refire Belén, “a idea xurdiu para facer coma produto final que nos esixían no Plan Proxecta ‘Vexo, Veo Xacobeo’, que traballamos este curso dende infantil ata segundo de primaria”. Segundo sabemos, a este plan só accede un centro de cada concello polo que pase algún dos Camiños a Santiago. E claro, no seu caso, traballaron o Camiño de Inverno.

“As actividades que fixemos nas diferentes clases estiveron ligadas ao paso do Camiño de Inverno por Quiroga e pola Ribeira Sacra. Deste xeito os pequenos e pequenas aprenderon sobre esgrafiado, fixeron sinalización para colocar nas fachadas das casas e incluso percorreron un tramo do camiño…”, explica Belén engadindo que “cada actividade selábase nunha credencial simbólica como as que selan os peregrinos nas etapas do camiño. Finalmente acabaron selando a súa na Oficina de Turismo de Quiroga”.

Todo este traballo que formaba parte do proxecto tiña que ter unha guinda e os protagonistas querían que fose algo novidoso. “Como xa tiñamos feito videos, podcast, etc, ocorréusenos facer unha canción”, di a nosa interlocutora. E así foi como o equipo directivo do CEIP de Quiroga e outras/os profesores comezaron a darlle forma a esta última acción do seu traballo. Belén escribiu e compuxo a canción, que leva por título “Pasiño a pasiño” e tivo a iniciativa de chamar a Andrés Montes para ver se era posible gravala. E dito e feito, a predisposición foi máxima e remataron gravando a canción os rapaces e as rapazas xunto coa banda Gin Toni’s.

O videoclip corre xa polas redes sociais, aquí podedes ver o resultado.

ÚLTIMAS

Tres feridos nun accidente entre dous coches en Sarria

Segundo informou o 112 Galicia, un particular deu aviso deste accidente arredor das 20.00...

Este 22 de novembro ás 18:00 na casa da cultura de Monforte, maxia para público familiar na programación do 25-N

Esta actividade enmárcase na campaña “Monforte en negro contra as violencias”, organizada polo Concello...

Alumnado do IES A Pinguela fai a Ruta dos Fornos e tírase en tirolina

Alumnado de 4º ESO do IES A Pinguela de Monforte achegouse esta semana ata...

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...