O acto de entrega tivo lugar na oficina principal do Santander en Lugo coa presenza do Presidente da Deputación de Lugo e a Alcaldesa da cidade. O certame recoñece o labor das pequenas e medianas empresas que reúnen os valores nos que fan fincapé: creación de emprego, innovación, sustentabilidade e internacionalización. Todas aquela Pemes gañadoras, representarán á súa provincia a nivel nacional no certame que se celebrará no primeiro trimestre do 2023.
Vinigalicia, está presente en máis de 30 países e atópase nun proceso estratéxico de dixitalización, sustentabilidade e incremento da súa presenza tanto nacional como en mercados internacionais, sempre cunha clara vocación de marca galega de referencia. A súa orixe remóntase ao ano 1940 e a día de hoxe é a única adega que está presente nas 5 denominacións de orixe galegas.
