Na provincia de Lugo concedéronse subvencións para todos os proxectos que se presentaron, segundo informan desde a delegación territorial. As axudas da Consellería poden alcanzar a cubrir ata o 90 por cento do orzamento, en función do tipo de actuacións que se acometan.

Este programa destínase a concellos de menos de 20.000 habitantes co obxectivo de dar facilidades de acceso á vivenda ás familias con menos recursos e potenciar os territorios e o desenvolvemento do rural, xa que a rehabilitación é máis sostible que a construción de vivenda nova e xera máis emprego por euro investido, tal e como apuntan desde a delegación territorial da Xunta en Lugo.