Os incendios que estivo sufrindo a serra do Courel desde o pasado 14 de xullo leváronse por diante adeas como Río de Bois na Pobra do Brollón ou Vilar en Folgoso do Courel coa desaparición do museo etnográfico de Xan de Vilar.
Coa iniciativa do concello de Folgoso do Courel ademais de conseguir novos obxectos para un novo museo, tamén se inicia a recuperacion de fotos relacionadas con Vilar e con Xan.
Todas as persoas que queiran colaborar poden poñerse en contacto co Concello a través do mail info@folgosodocourel.com, ou no número 606118944. Os obxetos quedarán custodiados polo Concello de Folgoso do Courel ata a inauguración do novo museo de Xan. Poderán depositarse tamén nas oficinas do Concello.
“Todos xuntos imos devolverlle a ilusión a Xan. Non serán as súas pertenzas anteriores, pero será un novo punto de partida para a súa recuperación e posta en valor”, animan desde o concello, “agradeceremos todo o traballo e esforzo que desinteresadamente Xan fixo polo Courel, ensinando o seu museo etnográfico. Amosarémoslle tamén o noso apoio e cariño”.
