IniciosociedadeÉxito da XXII edición de Artelemos que este martes pecha as súas...

Éxito da XXII edición de Artelemos que este martes pecha as súas portas

O Alcalde do Concello de Monforte, José Tomé Roca, visitou a XXII Mostra de artesanía Artelemos 2022, que pecha hoxe pola tarde as súas portas, tras cinco días de exitosa actividade.

Publicado o

POR
Redacción
- Advertisement -

Tras visitar os 23 stands que formaron parte da mostra, o Alcalde recolleu as valoracións dos artesáns participantes na mesma “e todos eles nos comentaron de que lles foi moi ben nos días de duración do certame e que levaron a cabo numerosas ventas”.

 “As estimacións que facemos dende o Concello, e tras o que nos comentan os artesáns participantes, é que superamos as cifras da edición de 2019, tanto en número de público asistente como de ventas acadadas”, resaltou o Alcalde. Neste senso, o incremento estes días no número de turistas e de visitantes á cidade, contribúe á mellora dos datos acadados, con respecto a edicións anteriores.

En Artelemos 2022 participaron 23 profesionais da artesanía, provintes da comarca de Lemos, así coma outros puntos de Galicia, como Vigo, Ourense ou Noia, e incluso de España, como Murcia.

Os obradoiros dirixidos a nenos e nenas, tamén resultaron ser todo un éxito, pois en todas as xornadas superáronse o número de prazas ofertadas para os mesmos. As mostras de oficios e demostracións en vivo de diferentes produtos artesanais, a cargo de artesáns tamén contaron cunha alta participación e foron moi ben valoradas polo público asistente.

“Boa mostra do éxito de Artelemos, logo de dous anos de ausencia, é que moitos dos artesáns xa se comprometeron a participar na vindeira edición de 2023”, concluíu o Alcalde.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...