IniciosociedadeQue se decidiu na xuntanza entre o concello de Monforte e a...

Que se decidiu na xuntanza entre o concello de Monforte e a Confederación Hidrográfica Miño-Sil?

O alcalde de Monforte, José Tomé, mantivo unha xuntanza co Presidente da Confederación Hidrogáfica Miño-Sil, José Antonio Quiroga, para abordar entre outros asuntos, a mellora e ampliación da depuradora de Piñeira, a mellora do saneamento ou a situación da présa da Pinguela.

Publicado o

- Advertisement -

O concello de Monforte quere facer obras na depuradora de Piñeira para mellorar a calidade da augas depuradas que volven ó río Cabe e teñan a calidade de depuración suficiente para non contaminar o cauce fluvial. Con respecto á mellora da rede de saneamento, cuxo proxecto está en proceso de redacción, abordáronse as posibilidades de estendelo a outras actuacións que melloren o servizo. En canto á présa da Pinguela, solitouse  o acondicionamento da zona da lagoa.

O alcalde de Monforte solicitou o cambio de ubicación do aliviadoiro do colector da rúa Cardenal, que verte á altura do Parque dos Condes para cambiar a saída dos residuos cando se produce chuvias abundantes. José Tomé tamén lle trasladou a José Antonio Quiroga o interese por desbrozar as marxes dos regatos que discorren polo casco urbano da cidade de Monforte.

O Presidente da Confederación comprometeuse a ir atendendo as demandas na medida das posibilidades co obxectivo de prestar un mellor servizo ás persoas e solucionar os problemas medioambientais existentes históricamente e con elo mellorar a calidade das augas.

Tamén acordaron dirixirse á Consellería de Medio Ambiente, para que faga efectivo o seu compromiso de participar no convenio xa asinado entre a Deputación de Lugo, a Confederación Hidrográfica e o Concello, por importe de 1.400.000 euros e no que finalmente a Consellería non participou.

ÚLTIMAS

“O meu agasallo favorito foi unha máquina de coser”, Sonia Argiz, emprendedora

Sonia Argiz Río é unha galega afincada en Castelo, no Concello de Taboada, lugar...

Sober presenta o cartel e a programación da XLIV Feira do Viño e o Mes do Amandi

Este ano o convidado de honra é o Concello de Pereiro de Aguiar, nunha...

Katy Varela: “Tomé equivócase ao negarse a flexibilizar as modificacións da ordenanza de tráfico”

O equipo de goberno do concello de Monforte, no pleno desde luns pode definitivamente...

Recurso de reposición de Por Chantada á aprobación definitiva do proxecto de urbanización da rúa Rego

Con estes antecedentes, Por Chantada presenta un recurso potestativo de resposición que pon fin...