Extinguido o incendio de Pantón que deixa 36 hectáreas ardidas

A Consellería do Medio Rural informa de que o incendio forestal rexistrado no concello lugués de Pantón, parroquia de Frontón, quedou extinguido ás 22,00 h. deste xoves.

Helicóptero antiincendios/MARTA VÁZQUEZ/EUROPA PRESS

O lume -que se iniciou o pasado luns ás 22,39 h. da noite en varios focos- afectou a unha superficie de 35,94 hectáreas de monte arborado, segundo as últimas medicións. No seu control traballaron un total de 2 técnicos, 17 axentes, 64 brigadas, 30 motobombas, 2 pas e 7 helicópteros.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.

DEIXAR UN COMENTARIO

Please enter your comment!
Please enter your name here