Formación no Incio para a mellora produtiva dos soutos

Medio Rural da Deputación de Lugo financiou un curso orientado á mellora produtiva dos castiñeiros organizado polo colectivo As Cavarcas, do Incio. Na cita participaron 35 persoas, o próximo 24 de setembro celébrase unha nova xornada de formación sobre coidados xerais e poda de froiteiras

Curso soutos O Incio / Vicepresidencia Deputación

35 persoas recibiron formación no Incio sobre coidados xerais dos castiñeiros para a prevención de enfermidades e sobre a mellora produtiva que pode supoñer o seu inxerto. Ademais da exposición teórica sobre os distintos tipos de inxerto, o alumnado puido poñer en práctica esta técnica co asesoramento de expertos en castanicultura.

A deputada de Medio Rural, Mónica Freire destacou “a boa acollida e a utilidade desta acción formativa nun concello con moitos soutos tradicionais e con condicións naturais para a plantación destas árbores autóctonas” e encarou o apoio a esta iniciativa “no compromiso cos colectivos que traballan por un rural vivo, promovendo o aproveitamento dos seus recursos”.

O curso terá unha segunda parte o vindeiro 24 de setembro, cunha xornada sobre coidados xerais e poda de froiteiras.

DEIXAR UN COMENTARIO

Please enter your comment!
Please enter your name here