Este venres, 9 de setembro, o comercio asociado de Chantada tiña previsto celebrar o “Día do neno” no parque Eloísa Rivadulla entre as 16:30 e as 20:00 h. Unha xornada na que os protagonistas serán os máis pequenos da casa e como agasallo de motivación para a volta ao colexio.

A actividade, cofinanciada pola Xunta de Galicia, Vicepresidencia primeira e Consellería de Economía, Industria e Innovación, conta coa colaboración do Concello de Chantada.

O aprazamento débese a que a climatoloxía non é adecuada para celebrar este evento en exterior. En canto se teña nova data, informarase do día de celebración.