O novo aparcadoiro que se está a asfaltar contará con 60 prazas de estacionamento para vehículos e tamén contará con estacionamentos para motos, para bicicletas e prazas para minusválidos. Estase a rematar tamén a colocación dos elementos de xogo do Parque Infantil, do mobiliario así como a súa valla perimetral. Tamén se están a ultimar os paseos do Parque do Barrio do Hospital, así como o resto de zonas verdes.

Os traballos que se están a desenvolver consisten na mellora das condicións da actual vía de servizo da estrada LU-644 que transcorre polo extremo norte do Parque e a creación paralela a esta, na marxe oposta á referida estrada, dunha franxa de estacionamento en espiga, para automóbiles e motocicletas.

Tanto para o aparcadoiro como para a vía de servizo, estase aplicando unha capa de zahorra natural, espesor 10 cm., con posterior refino e compactado, encima da cal estase a estender unha capa de aglomerado en quente tipo D-12, de 8 cm. de espesor.