Sober presume de centenarias e centenarios

O concello suma xa dez persoas que superan os cen anos.

Emilia Rodríguez López. Foto: Prensa Concello de Sober

A veciña de Sober Emilia Rodríguez López, natural de Froxán (Proendos), cumpriu 100 anos o pasado sábado 10 de setembro.

Un aniversario así non podía quedar sen celebración, co cal Emilia festexouno nun restaurante de Sober acompañada do seu único fillo José Ramón e dos seus familiares e amigos máis achegados.

Emilia coa familia diante da tarta. Foto: Prensa Concello de Sober.

O alcalde, Luis Fernández Guitián, achegouse para felicitala persoalmente en nome de todo o concello e facerlle entrega dun ramo de flores.

Luis Fernández Guitián fai entrega do ramo de flores á nova centenaria. Foto: Prensa Concello de Sober

O Concello de Sober conta a día de hoxe con dez persoas centenarias, 8 mulleres e 2 homes.

DEIXAR UN COMENTARIO

Please enter your comment!
Please enter your name here