Dende FAC-USO denuncian novos incumprimentos do convenio colectivo, “nalgún distrito forestal, comenzou, estes días, a realización de labores de prevención, cando en época de perigo baixo se debe facer a prevención e a extinción, namentres que agora, de perigo alto, procede a vixilancia e a extinción.”

Lembran que teñen denunciado que se está obrigando ao persoal a prolongar a súa xornada laboral, máis alá das 12 horas, e que se están a dar casos de só dous ou tres brigadistas, falta de motobombistas, por non cubrir as baixas e as prazas vacantes.

Sinalan que dos tres factores que determinan un lume (temperatura, humidade e combustible), “precisamente a Consellería de Medio Rural esperou a principios de setembro para actuar sobre a masa forestal, realizando agora a prevención, cando, dende fai varios meses, debeu ter ordeado rozar os montes, facer cortafogos, diminuir a vexetación combustible acumulada, etc., controlando, así, a magnitude dos eventuales lumes, cando os peores incendios se soen producir ao final do período estival”

A Federación esixe á Consellería de Medio Rural a contratación deste colectivo profesional durante todo o ano, “porque, se ben é verdade que os incendios se producen, en maior medida, en verán, a prevención debe realizarse ao longo dos 12 meses, período no que, sen lugar a dúbida, deben prestar servizo.”