HomesociedadeDispositivo de tráfico en Monforte este venres pola Volta Ciclista a Galicia

Dispositivo de tráfico en Monforte este venres pola Volta Ciclista a Galicia

O concello de Monforte informa do dispositivo de tráfico que desenvolve este venres, 16 de setembro, con motivo do paso da segunda etapa da Volta Ciclista a Galicia, que comeza e remata en Taboada. Está previsto que o pelotón transite por diversas rúas de Monforte e que o faga aproximadamente ás 14:25 horas, polo que os cortes no tráfico produciranse a partir das 2 da tarde (14:00 h).

Publicado o

POR
Redacción
- Advertisement -

Os cortes faranse desde as 14.00 porque o circuíto debe permanecer pechado e libre de vehículos en circulación, debido a que as motos da Garda Civil de Tráfico e os vehículos dos equipos e da organización chegan un tempo antes.

O percorrido polo que transcorrerá o pelotón en Monforte será o seguinte:

  • Entrada en Monforte, procedentes de Pobra de Brollón, pola rúa Ramón del Valle-Inclán.
  • Transcurso polo paso a nivel da Florida, en dirección centro cidade.
  • Baixada pola rúa Roberto Baamonde.
  • Na praza de Ponte Fontecha, o pelotón toma a dirección de La Compañía.
  • Seguen pola rúa Compañía ata o Paseo de Lugo.
  • Seguen por rúa Reboredo ata o paso a nivel.
  • Toman a rúa San Lázaro dirección A Pinguela.
  • Ó final desta, toman a rúa Sober e seguen dirección Piñeira para saír da cidade.

Dende o Concello solicítase que se evite a circulación polas vías afectadas polo paso de dito evento durante os horarios previstos e recoméndase o uso de vías alternativas de circulación.

Do mesmo xeito, agradécese a colaboración dos veciños e veciñas das rúas afectadas ós que se solicita que non poñan en marcha os vehículos que estean estacionados nas rúas polas que pasa o pelotón e que non saían dos garaxes que haxa nas mesmas.

Este dispositivo, ó transcurso da Volta Ciclista a Galicia ó seu paso por Monforte, estará coordinado pola Policía Local, que se encargará de proceder ós cortes de tráfico correspondentes, coa axuda doutros colaboradores municipais.

ÚLTIMAS

Convenio entre a Asociación de Empresas Ribeira Sacra Next e a Asociación de Empresarios de Mos

A Asociación de Empresas Ribeira Sacra Next vén de asinar un novo convenio para...

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...