IniciosociedadeA mellora da LU-617 entre Monforte e Escairón rematarase en outubro, asegura...

A mellora da LU-617 entre Monforte e Escairón rematarase en outubro, asegura o delegado territorial

O delegado territorial da Xunta en Lugo, Javier Arias, comprobou este martes a marcha das obras de mellora da estrada autonómica LU-617 entre Monforte de Lemos e Escairón (O Saviñao), que xa se atopan na fase de extensión da nova capa de rodaxe.

Publicado o

POR
Redacción
- Advertisement -

As obras céntranse no acondicionamento de 11,5 quilómetros desde a glorieta na que conecta a vía de altas prestacións CG-2.2, no punto quilométrico 1,5, ata a intersección coa estrada LU-615 en Escairón, no punto 13.

Arias confirmou que os traballos avanzan a bo ritmo, polo que estimou que poderán finalizar no mes de outubro sempre e cando as circunstancias climatolóxicas sexan favorables.

O proxecto contempla a realización de fresados localizados e reposición do pavimento a carril completo nas zonas deterioradas. Tamén se inclúe un reforzo do firme cunha nova capa de rodadura con mistura bituminosa en quente na totalidade do treito.

O delegado explicou que a actuación forma parte dun contrato para acondicionar o pavimento nas estradas LU-617, LU-611 e LU-603 ao seu paso polos concellos de Monforte de Lemos, Pantón, O Saviñao e Bóveda.

A intervención completarase cunha serie de actuacións para mellorar a seguridade e as prestacións das tres vías autonómicas, como a instalación de sinalización horizontal, tacos de resalto, captafaros, barreira de seguridade ou cunetas. A Xunta inviste 1,5 millóns de euros nestas obras, que suporán a mellora do firme nun total de 17 quilómetros das tres estradas. Os traballos comezaron no mes de xullo e contan cun prazo de execución estimado de seis meses.

LU 617 reforzo firme visita Arias / Delegación Territorial

ÚLTIMAS

“O meu agasallo favorito foi unha máquina de coser”, Sonia Argiz, emprendedora

Sonia Argiz Río é unha galega afincada en Castelo, no Concello de Taboada, lugar...

Sober presenta o cartel e a programación da XLIV Feira do Viño e o Mes do Amandi

Este ano o convidado de honra é o Concello de Pereiro de Aguiar, nunha...

Katy Varela: “Tomé equivócase ao negarse a flexibilizar as modificacións da ordenanza de tráfico”

O equipo de goberno do concello de Monforte, no pleno desde luns pode definitivamente...

Recurso de reposición de Por Chantada á aprobación definitiva do proxecto de urbanización da rúa Rego

Con estes antecedentes, Por Chantada presenta un recurso potestativo de resposición que pon fin...