A D.O. Ribeira Sacra leva vendimados 5.332.763 quilos

Das 89 adegas que vendiman este ano ao amparado da D.O. Ribeira Sacra, 55 terminaron a vendima, 33 adegas seguen vendimando e falta unha por comezar. A calidade das uvas que están a entrar en adega é moi boa, cun estado sanitario óptimo.

Mencía / D.O. Ribeira Sacra

Despois de medio mes de vendima oficial a D.O. Ribeira Sacra recolleu 5.332.763 quilos de uva. Da variedade maioritaria, Mencía, lévanse vendimado 4.245.820 quilos. As cantidades por variedades distribúense do seguinte modo:

Variedades tintas

  • Mencía 4.245.820 quilos
  • Merenzao 61.378 quilos
  • Sousón 36.682 quilos
  • Brancellao 35.972 quilos
  • Caíno tinto 31.861 quilos
  • Garnacha 199.428 quilos
  • Tempranillo 26.445 quilos
  • Mouratón 6.887 quilos
  • Grao Negro 318 quilos

  Variedades brancas

  • Godello 550.834 quilos
  • Albariño 75.858 quilos
  • Treixadura 44.562 quilos
  • Branco Lexítimo 8.008 quilos
  • Dona Branca 5.299 quilos
  • Torrontés 1.797 quilos
  • Loureira 1.614 quilos

A D.O. Ribeira Sacra seguirá con actividades promocionais en novembro acudindo con ACRUAGA ao evento “Salón dos viños e augardentes de Galicia” en Amsterdam. A actividade organizada pola Asociación Española de Catadores persegue continuar coa promoción dos viños galegos en Europa. Despois de participar nas citas vitivinícolas de París, Düsseldorf e Londres, a asistencia a Amsterdam axudará a consolidar o mercado cos Países Baixos, dos principais importadores dos viños da D.O. Ribeira Sacra.

Ademais de seguir presente nas citas onde o viño é protagonista, a D.O. Ribeira Sacra segue desenvolvendo actividades de formación, tamén en colaboración con ACRUAGA.

DEIXAR UN COMENTARIO

Please enter your comment!
Please enter your name here