O Festival de Muralismo “Máis que cor na Ribeira Sacra”, proxecto no que o Consorcio de Turismo leva traballando anos, materialízase agora grazas ao convenio de colaboración asinado o 5 de outubro de 2020 entre o organismo autónomo Instituto de Estudos do Territorio, o Consorcio de Turismo Ribeira Sacra e a Federación Galega de Municipios e Provincias polo que se aproba o Pacto pola Paisaxe para a Protección, Xestión e Ordenación da Paisaxe na futura Área de Especial Interese Paisaxístico 05-03 “RIBEIRA SACRA”
Cinco muralistas de recoñecemento nacional e internacional, 8 xornadas de muralización simultánea, obradoiros infantís, unha clase maxistral, conferencias e debates e unha visita guiada por especialistas compoñen o programa do Festival de Muralismo, que arrincará o venres 13 de outubro e rematará o 21 de outubro.
Serán artistas invitados Doa Ocampo de Sober, Licenciada en Belas Artes pola Universidade de Vigo, esta veciña de Ribeira Sacra desenvolve a súa obra en sintonía coa natureza e cos elementos vexetais que rodean os espazos que muraliza. Yoseba Muruzábal de Cambre, Yoseba MP, é pintor e muralista, licenciado en Belas Artes pola Universidade de Vigo, fíxose popularmente coñecido en Galicia coa súa serie “Fenómenos do rural”, onde retrata ás nosas “súperavoas galegas”. Novenoel é graduado en Comunicación Audiovisual pola Universidade de Santiago de Compostela e Técnico Superior en Ilustración pola EASD Pablo Picaso (A Coruña). Traballa no campo da imaxe gráfica e a pintura mural desde o ano 2009. Neste tempo, desenvolve unha liña pictórica inspirada na narrativa secuencial e a arte popular. Alba Fabre Sacristán formouse no Programa de Debuxo e Pintura na Barcelona Academy of Art, onde actualmente é mestra. A súa obra interésase pola análise da linguaxe e os conceptos da arte clásica, reproducido nunha pintura habitualmente figurativa, onde a forza e a cor adoitan ser o centro de atención e Cestola na Cachola, Miguel Peralta ten un estilo marcado polo dominio do debuxo e o coidado no trazo, nas texturas e os xogos da luz e a sombra. Gústalle a narrativa visual, contar historias con imaxes. No 2011 transládase a Galicia e no 2013 crea, xunto a Xoana Almar e Raquel Doallo, a empresa Cestola S. Coop. Galega, onde traballa de pintor, ilustrador e muralista.
Programa e reserva de actividades
Do 13 ao 21 de outubro: realización simultánea das obras por parte dos artistas invitados.
SÁBADO, 15 DE OUTUBRO
- Clase maxistral de pintura, impartida por Alba Fabre. De 10:00 a 14:00 e de 16:00 a 20:00 horas. Prazas máximas: 10 persoas. NECESARIA RESERVA previa en turismo@ribeirasacra.org
* A clase maxistral dirixida a persoas que pintan e teñen moito interese na pintura, que estén familiarizadas co óleo e o carboncillo. Cada participante traerá o seu propio material (indicarase o necesario coa confirmación da inscrición).
- Obradoiro de expresión artística “Patróns e xeometría da natureza”.
- De 10:00 a 12:00 horas (3 a 6 anos)
- De 12:00 a 14:00 horas (6 a 12 anos)
- De 16:00 a 17:00 horas (6 a 12 anos)
- De 17:00 a 18:00 horas (12 a 17 anos)
Prazas máximas por grupo: 12 persoas. NECESARIA RESERVA previa en turismo@ribeirasacra.org (ESPECIFICAR HORA/FRANXA DE IDADE)
* Trátase dunha actividade lúdica-educativa de expresión artística coas técnicas creativas de copiado, selado, bordeado, collage e mixta, baseada en elementos naturais da Ribeira Sacra e na espiral da vida como patrón principal a explorar. Empregaranse materiais ecolóxicos, como pinturas comestibles, e elementos naturais da contorna (flores, follas…). O material será proporcionado pola organización. O obradoiro concluirá cunha obra colectiva que recollerá os traballos realizados polos pequenos/as.
DOMINGO, 16 DE OUTUBRO
- Visita guiada aos murais. De 12:00 a 13:30 horas. Prazas máximas: 20 persoas. NECESARIA RESERVA previa en turismo@ribeirasacra.org
- Conferencia e debate “Os Murais de antes: temáticas e técnicas”, impartida por Xoana Almar. De 16:30 a 18:30 horas. Prazas máximas: 50 persoas.
Todas as actividades son GRATUITAS. Para a clase maxistral, obradoiros e visita guiada é precisa RESERVA PREVIA a través do correo electrónico turismo@ribeirasacra.org. O prazo para as reservas rematará o venres 14 de outubro, ás 18:00 horas.
