Chantada e Monforte celebran dous cursos para voluntarios de protección civil

A Xunta de Galicia ofrece dous cursos para formar a 40 integrantes de Agrupacións de Voluntarios de Protección Civil (AVPC) que se desenvolverán entre esta semana e a próxima en Chantada e Monforte e Lemos.

Protección Civil / entomelloso.com

A actividade de Chantada desenvolverase desde o próximo sábado 29 ata o 5 de novembro na aula CEMIT. Proporcionará ao persoal voluntario formación sobre prevención e loita contra os incendios nos ámbitos urbano e forestal; así como nocións de primeiros auxilios.

No caso de Monforte de Lemos, a base de helicópteros do Marroxo acollerá os días 3 e 4 de novembro un curso básico de manexo de motoserras. A finalidade é preparar aos membros das agrupacións para participar con seguridade en intervencións de retirada de emerxencia de árbores caídas ou pólas desprendidas.

A Agasp convoca estas accións no marco dun plan de formación continua que inclúe entre os destinatarios ao persoal voluntario de Protección Civil. A programación deste semestre na provincia de Lugo inclúe sete cursos con 152 prazas que abranguen diferentes áreas relacionadas co desenvolvemento das funcións propias destas agrupacións.

DEIXAR UN COMENTARIO

Please enter your comment!
Please enter your name here