Os actos comezaron ás 10.00 horas cunha recepción oficial a cargo das representantes municipais, con almorzo con produtos típicos da zona e unha visita guiada ó Centro do Viño da Ribeira Sacra, actividades todas elas patrocinadas polo Concello monfortino.

A continuación, os corenta blogueiros viaxaron ata o peirao da Ponte do Sil para realizar un paseo en catamarán polo Canóns do Sil, patrocinado pola Deputación de Lugo. Seguiulle xantar no Restaurante Merenzao cun menú de quilómetro 0, elaborado polo cociñeiro Carlos Javier González Sánchez e que contou coa colaboración de diversas empresas galegas e Denominacións de Orixe.

Estes encontros de bloggers son importantes para promocionar a gastronomía da Ribeira Sacra e os atractivos turísticos e culturais. Todos eles suman moitos milleiros de seguidores en todo o mundo, e agárdase que se refiran nas súas bitácoras e blogs á experiencia que viven esta fin de semana en Monforte e na Ribeira Sacra.