A Xunta de Galicia apoia o Campionato de Futbolín Máster Sarria, que se disputou esta fin de semana na vila, recuperando nesta décima edición unha competición que non se celebraba desde o ano 2019.

O delegado territorial salientou a iniciativa impulsada pola Asociación Sarria Futbolín por como contribúe á promoción para a comarca desde o punto de vista turístico, pero tamén pola súa repercusión económica á zona.

Este é un dos grandes torneos nacionais e de maior proxección, xa que ademais da modalidade de movemento, dispútanse tamén as de parado, feminino, cego e local, repartindo máis de 6.000 euros en premios, agasallos e trofeos, que contaron coa colaboración da Xunta de Galicia.