O rexedor local, Julio Álvarez, acudía esta venres á sede da Deputación de Ourense onde se celebraba o acto ao que estaba convidado como amigo persoal de Manuel Villanueva e institucionalmente desde a Deputación.

Neste acto tamén participaban o Consejero Delegado de Mediaset, Paolo Vasile; o presidente do Parlamento de Galicia, Miguel Ángel Santalices; o Vicepresidente segundo da Xunta, Diego Calvo; o que fora durante 24 anos presidente da Deputación de Ourense, José Luis Baltar; e a Alcaldesa de Marín, concello de onde é orixinario Manuel Villanueva, María Pilar Ramallo; ademais de familiares e amigos.