16 agrupacións este día 10 nos Cantos de Taberna da Pobra do Brollón

A partir das 5 da tarde, os grupos empezarán a circular de dous en dous polos oito bares do municipio, repartidos entre A Pobra do Brollón, Salcedo, Cereixa e A Estación. Á noite, ás 22:30, grupos e público xúntanse na Casa da Cultura ‘Olga Novo’ para a clausura. Entregaranse os agasallos aos grupos participantes, que farán unha pequena actuación.

Cantos de taberna

Tras dous anos de pausa a causa da pandemia, volven os Cantos de Taberna da Pobra do Brollón. A décima edición celébrase este sábado, 10 de decembro, coa participación de 16 agrupacións.

“É unha gran alegría por fin volver recuperar esta festa, unha das máis importantes e agardados do calendario guímaro,” comenta o alcalde, Xosé Lois Maceda.

As agrupacións desta décima edición son: Foliada de Bosende, Os Galochas, A Desfeita,  Fillos da Cantaruxa, Corenta e Chinco, Dakidoasma, Son do Mao, Os Bochetas, Skachakunchas, Airiños de Petimor, Os Parrandas, O Recanto, Marcón pra Arriba, Searas, Os Tabernos e Estoupafoles.

DEIXAR UN COMENTARIO

Please enter your comment!
Please enter your name here