Unha vez obtidos os informes dos correspondentes organismos, e realizadas as modificacións menores que indicaban, procedía unha terceira aprobación provisional polo Pleno, como paso previo antes de remitir de novo o PXOM á Xunta para que o Goberno autonómico poida pronunciarse sobre a aprobación definitiva do documento.

Incorporados os informes pendentes ao expediente administrativo e solucionadas as deficiencias técnicas que apareceron froito destes novos informes, informado favorablemente polo técnico municipal en data 5 de decembro  de  2022, o concello do Incio procedeu este luns a unha nova aprobación provisional para a súa posterior remisión á Dirección Xeral do Territorio e Urbanismo para que resolva, se procede, sobre a aprobación definitiva.

Fase de alegacións

Durante o trámite de información pública, foron  presentadas  132 alegacións por parte de persoas interesadas, que foron resoltas  polo  Pleno  da Corporación Local en data 12 de maio de 2017, resultando aceptadas na súa integridade 61 (46.21%), parcialmente aceptadas  42  (31,82%)  e  rexeitadas  29  (21,97%).

O alcalde do Incio, Héctor Corujo, amosa a súa satisfacción ante este “paso importante para a aprobación do plan. Era un dos compromisos cos veciños e veciñas facer todo o traballo preciso para ter o documento aprobado neste mandato”.