Esta iniciativa da Consellería de Política Social e Xuventude ofrece atención gratuíta de podoloxía, audioloxía e estimulación da memoria a persoas maiores de 55 anos. O obxectivo é chegar a todos os concellos agás ás sete grandes cidades galegas para que as persoas que precisen estes coidados poidan acceder a eles sen ter que desprazarse.

Unha unidade móbil desprazarase ao Incio e instalarase na antiga nave gandeira. Pódese pedir cita previa nos números 622 748 283 ou 623546992 e por medio do correo electrónico: coidadosportaaporta.politicasocial@xunta.gal.