IniciosociedadeSarria levou a Fitur o Camiño Francés que o ano pasado iniciaron...

Sarria levou a Fitur o Camiño Francés que o ano pasado iniciaron na vila 132.047 peregrinos

A concelleira do Camiño de Santiago, Reyes Abella, convidou aos asistentes á presentación do proxecto “Camiño Francés. Camiño 360” no stand de Galicia en Fitur a “preservar a esencia do Camiño como ruta milenaria de peregrinación” e a “recuperar e poñer en valor a súa herdanza cultural”.

Publicado o

POR
Redacción
- Advertisement -

Reyes Abella, que acudiu á Feira Internacional de Turismo acompañada polo concelleiro Félix Seijas, foi a encargada de abrir a presentación da Mancomunidade de Concellos Galegos do Camiño Francés en substitución do presidente, Claudio Garrido, que non puido asistir á feira. Tamén interviron a vicepresidenta da mancomunidade e alcaldesa de Triacastela, Olga Iglesias, e a directora da Axencia Turismo de Galicia, Nava Castro.

No seu discurso, Abella describiu o Camiño Francés como “unha ruta de historias, de cultura, de espiritualidade, de paisaxes e de convivencia” e salientou que, segundo os últimos datos da Oficina de Acollida ao Peregrino, ao longo do ano 2022 un total de 132.047 peregrinos iniciaron en Sarria a súa andaina cara Compostela. “Estamos a falar de 132.000 peregrinos que posiblemente cearon, pernoctaron, almorzaron, xantaron ou compraron en Sarria, con todo o positivo que iso supón”, subliñou, facendo incidencia na repercusión do Camiño Francés como “fonte de vida e riqueza cultural, social, económica e comercial” para os 11 municipios que forman parte da mancomunidade: O Cebreiro, Triacastela, Samos, Sarria, Paradela, Portomarín, Monterroso, Palas de Rei, Melide, Arzúa e O Pino.

“O Camiño Francés é para os nosos municipios un auténtico salvavidas contra o tsunami da España baleirada”, resaltou. Reyes Abella referiuse tamén aos integrantes da Mancomunidade de Concellos Galegos do Camiño Francés como “os principais interesados en sacarlle rendibilidade ao Camiño”, se ben matizou que “non queren ser os principais responsables da súa sobreexplotación como se se ratase dunha galiña dos ovos de ouro, porque, como todo o mundo sabe, as galiñas tamén morren”. Por iso, apelou a todas as administracións a “autoimporse deberes co obxectivo de trazar unha estratexia orientada a avanzar conxuntamente cara un Camiño Francés máis sostible e que permita aos peregrinos vivir a experiencia dunha forma máis natural e cercana á súa esencia primixenia”. “Reivindicamos un Camiño sinónimo de calma, non de présas; un Camiño de convivencia e conexión, pero tamén de introspección; un Camiño que nos ensine o sinxelas que poden ser as cousas; e un Camiño que permita aos peregrinos apreciar os milleiros de detalles dunha Galicia na que temos a sorte de vivir”, concluiu.

Sarria en Fitur / Concello de Sarria

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...