A Concellaría de Festas de Sarria e o sector da hostalaría acordaron hoxe continuar este ano co sistema de celebración das Xornadas do Cocido do Porco Celta nos establecementos interesados. O sistema fora implantado de forma provisional e preventiva a raíz da pandemia, en lugar de optar por un evento
multitudinario.

A decisión foi consensuada ante diferentes circunstancias persoais e profesionais que fan necesaria unha renovación no equipo organizativo e coa finalidade de garantir que todas as actividades vinculadas ao Cocido do Porco Celta manteñan a calidade das últimas edicións da festa.

As xornadas celebraranse no entroido. O goberno local traballa na organización dun evento promocional en Madrid coa finalidade de potenciar a promoción da festa para futuras edicións