IniciosociedadeInteresante charla sobre prevención de afogamentos no IES A Pinguela

Interesante charla sobre prevención de afogamentos no IES A Pinguela

O encargado de impartila foi José Palacios Aguilar, persoa que, entre outros cargos, é responsable de Bandeiras Azuis de España.

Publicado o

POR
Redacción
- Advertisement -

José Palacios Aguilar, doutor honorario da Universidade da Coruña –da que foi profesor–, presidente da Asociación de Educación Ambiental, coordinador do Grupo Internacional de Actividades de Prevención e Socorrismo e responsable de Bandeiras Azules de España, volveu ao IES A Pinguela de Monforte para impartir a conferencia “Prevención dos afogamentos e servizos de socorrismo. Unha inversión en vida”.

Palacios insistiu nos perigos do medio acuático e na enorme cantidade de afogamentos que se producen cada ano, incluso entre expertos nadadores, coma sucedeu cun dos campións do mundo de natación. Avogou por mellorar a inversión en socorristas, unha inversión en vida, e tamén na educación pública para realizar campañas con información sobre afogamentos como se fai coas da DGT para a prevención de accidentes de tráfico.

O conferenciante co alumnado. Foto: IES A Pinguela.

Tamén informou sobre o significado das bandeiras das praias, da necesidade de manter a calma diante dun problema e de chamar ao 112. Por último, deu consellos moi prácticos que todos deberíamos seguir antes de entrar na auga para evitar imprudencias e falecementos.

A charla está enmarcada dentro das actividades que desenvolven no centro de ensino monfortino e que avalan o seu certificado de calidade ‘Sello Vida Saludable’.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...