HomesociedadeApróbase o proxecto de ordenación produtiva da aldea modelo de Proendos en...

Apróbase o proxecto de ordenación produtiva da aldea modelo de Proendos en Sober

O obxectivo principal das aldeas modelo é devolver á produción terras con boa aptitude agronómica que se atopen en estado de abandono ou infrautilización. Búscase impulsar nova actividade económica agroforestal que non só fixe poboación e xere riqueza, senón que tamén reduza o risco de incendios forestais e mellore a calidade de vida dos veciños destes núcleos.

Publicado o

POR
Redacción
- Advertisement -

O Diario Oficial de Galicia (DOG) publica este venres, 24 de febreiro, as resolucións polas que se aproban os proxectos de ordenación produtiva das aldeas modelo de Covelo, no concello de Taboadela, en Ourense; de Francos de Proendos, no concello de Sober, en Lugo; e da de Mouteira-Parada, no concello de Cerdedo-Cotobade, en Pontevedra.

Na aldea modelo de Francos de Proendos, en Sober, establécese como actividade principal os cultivos de ciclo curto na zona central da aldea e gandaría en extensivo en case todo o seu perímetro, xa que existen amplas superficies poboadas con especies de frondosas autóctonas caducifolias a protexer, como o carballo galego ou o castiñeiro. Tamén se contempla a posibilidade de levar a cabo aproveitamento apícola. Como actividade secundaria, valórase a plantación de árbores froiteiras e os cultivos agrícolas.

Desde a entrada en vigor da Lei de recuperación -en maio de 2021- arredor de 10.000 hectáreas de terreo están sendo obxecto de desenvolvemento dun instrumento de recuperación de terra agraria, correspondentes a 21 polígonos agroforestais, a 21 aldeas modelo e a permutas impulsadas no concello de Friol, na provincia de Lugo. Ademais, a Consellería do Medio Rural destina neste 2023 un total de 5,9 millóns de euros para o desenvolvemento de instrumentos de recuperación da terra agraria, un 11% máis ca 2022. Deste motante, uns 4,4 millóns serán para actuacións en polígonos agroforestais e aldeas modelo.

ÚLTIMAS

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...