IniciosociedadeObradoiros de iniciación á artesanía a partir do 13 de marzo en...

Obradoiros de iniciación á artesanía a partir do 13 de marzo en Monforte

O Concello de Monforte pon en marcha unha nova iniciativa para poñer en valor e dar a coñecer os oficios tradicionais coa intención de xerar interese na poboación e fomentar que xurdan posibles novos artesáns, aprendendo disciplinas tradicionais da man dun profesional que domine a técnica.

Publicado o

POR
Redacción
- Advertisement -

O concello de Monforte ofrece un programa de obradoiros de artesanía nos que os técnicos do sector artesán poderán transmitir o seu arte e axudar a comunicar o valor engadido dos produtos de artesanía. Os obradoiros terán lugar no Local social de Ribas Altas, de Piñeira e na Praza de Abastos de Monforte, dependendo do número de inscricións e demanda dos mesmos e os horarios poderán ser de mañá ( de 10 a 12:30) ou de tarde (de 16:30 a 19) segundo o número de inscritos e as preferencias que teñan os participantes. En todo caso, trataríase sempre de 2 ou 3 días á semana e dúas horas e media cada día de curso.

A data de inicio será a partir do 13 de marzo e as persoas interesadas teñen de prazo ata o 15 deste mesmo mes para poder inscribirse. Organizaranse grupos en función das idades pero tamén interxeneracionais. Coa participación nestes obradoiros elaboraranse complementos para a Feira Medieval. Impartirase:

  • Costura creativa
  • Cestería
  • Pintura
  • Cosmética natural
  • Barro

Estos obradoiros son realizados ao abeiro do proxecto “Circuítos de artesanía e música galega” Programa Territorio Cultura, ao abeiro dos fondos NextGenerationEU e o Mecanismo de recuperación e resilencia do Regulamento (UE)2021/241. AGADIC.

As persoas interesadas deben contactar coa oficina: Promoción económica- Casitas Compañía Monforte. Para poder inscribirse poden chamar por teléfono aos números:  698181551/982884775 ou ben a través do correo electrónico coa dirección:  Emprego_pe@concellodemonforte.com

ÚLTIMAS

Ábrese o prazo para inscribirse na “XIV Carreira Popular Concello de Monforte” que se celebrará o 28 de abril

O evento, organizado polo Concello de Monforte a través da Concellería de Deportes, contará...

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...