Este ano o comercio de Sarria quere celebrar o Día do Pai facéndoos protagonistas coa camapaña, ¡Este 19 de marzo, fai sorrir a papá!. Ata o 19 de marzo as compras nos establecementos asociados dan a oportunidade de premiar a un pai cun regalo especial e diferente. Durante a vixencia da campaña, os clientes depositarán os seus tíckets de compra nas furnas habilitadas nos establecementos asociados a ACES, cubrindo os datos dun papá (que pode ser seu pai, el mesmo, un avó, un tío, …).  

O xoves día 23 de marzo, procederase ao sorteo e coñecerase o papá premiado que gozará dunha sesión fotográfica en familia nun estudio fotográfico profesional e que se levará de recordo un álbum con varias fotos da sesión. 

“¡Mercar para o pai no comercio asociado ten premio!. Ponse en xogo un premio diferente que nunca antes se había ofertado dende a Asociación”, sinalan desde a organización.  Trátase da terceira campaña do Centro Comercial Urbano de Sarria neste ano, na que se procura dar valor ao comercio local da vila, dinamizando un comercio de calidade-proximidade-atención.