A Semana Santa xa está enriba e con ela as vacacións para a cativada. Pensando na conciliación para os días non festivos, o Concello de Sarria organiza un ‘Campamento infantil’ que se desenvolverá na Casa da Cultura e que estará orientado a nenas e nenos de Infantil e Primaria.

Os días nos que se poderán deixar aos pequenos e pequenas son o 3, 4, 5 e 10 de abril, sendo o horario de 7:30 a 9:00 h. como posible ‘grupo de madrugadores’ –se hai demanda e se xunta xente– e de 9:00 a 14:00 h. Durante ese tempo haberá actividades variadas e adaptadas para eles co obxectivo de que teñen un lecer activo e moi entretido.

As inscricións deberán facerse na Biblioteca Pública Municipal Camilo Gonsar este xoves 30, entre as 9:30 e as 13:30 h. pola mañá e das 1630 ás 19:00 h. en horario de tarde; e tamén o venres 31 sendo neste caso o horario de 9:30 a 13:30 h. Anotarse é totalmente gratuíto.