HomesociedadeIníciase o procedemento de aprobación para o desenvolvemento dun polígono agroforestal en...

Iníciase o procedemento de aprobación para o desenvolvemento dun polígono agroforestal en Bóveda

O DOG publica este luns o acordo da Consellería do Medio Rural polo que se inicia o procedemento de aprobación para o desenvolvemento dun polígono agroforestal de iniciativa pública na parroquia de Ver, en Bóveda, ao abeiro da Lei de recuperación da terra agraria de Galicia.

Publicado o

POR
Redacción
- Advertisement -

O polígono agroforestal constará de 51,97 hectáreas cunhas 292 parcelas de 200 propietarios, que se prevén destinar a gandaría e a cultivos forraxeiros/herbáceos. A Consellería do Medio Rural, en colaboración co Concello e tras abrir un período de información ou actuacións previas co fin de coñecer as circunstancias do caso, resolveu a conveniencia de iniciar dito procedemento. O obxectivo prioritario será poñer en produción áreas de terra agroforestal con boa capacidade produtiva que acadaron co paso do tempo estados de abandono ou infrautilización, recuperando deste xeito unha acaída actividade de explotación agrícola ou forestal, así como mellorar a estrutura territorial de explotacións xa existentes ou a posta en marcha de novas iniciativas produtivas.

Tamén prevé o desenvolvemento de áreas que, independentemente da súa capacidade produtiva, contan con especiais valores ambientais, patrimoniais ou paisaxísticos e nas que os procesos de abandono están a deteriorar eses valores. Neste último caso, a finalidade da iniciativa será a de facer compatible o aproveitamento  produtivo coa salvagarda dos seus valores, aínda que primando sempre estes últimos.

Cómpre sinalar que as causas polas que procede desenvolver este polígono de iniciativa pública é a existencia dunha situación produtiva cun estado de abandono ou infrautilización dun mínimo do 50% da superficie de terras do polígono agroforestal, polo que se lle dá carácter preferente para recuperar as terras acaídas en zonas de producións acollidas a indicacións xeográficas protexidas e denominacións de orixe, así como para producións que estean a optar a ese recoñecemento ou calquera outra marca de garantía de calidade.

ÚLTIMAS

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...

Monforte inicia este luns nova campaña informativa sobre a reciclaxe da materia orgánica

Colocaranse carpas en diferentes puntos da cidade, sobre o “Plan de Xestión da materia...

Por Chantada demanda equipamento para emerxencias acuáticas nos Parques de Bombeiros

A Moción do grupo municipal Por Chantada – Interior Galego Vivo para a mellora...