ACES asinou o pasado venres 12 de maio un convenio de colaboración co GRUPO ISONOR. En virtude do acordo, os socios e socias terán condicións favorables ao contrataren os servizos deste grupo empresarial do que forman parte empresas como Previsonor, Excelentia ou Lopdat, entre outras. Poderán beneficiarse de reducións de prezos dos servizos e dalgunhas ofertas realizadas en exclusiva para eles.
O Grupo ISONOR presta unha ampla variedade de servizos como son a prevención de riscos laborais, protección de datos, servizos web e marketing on-line, seguridade alimentaria, etc. Con este acordo, os asociados e asociadas da ACES contarán con prezos mellorados á hora de contratar servizos que poden ser de gran utilidade para as empresas e comercios asociados.
O acordo foi asinado polo presidente da ACES, Ricardo Arias Alvaredo, e por Javier Romay, director comercial de desenvolvemento territorial nacional da devandita empresa. Á sinatura tamén asistiu Yuliana Patricia Castrillón Salazar, consultora comercial.
