A de Attende Care S.L. resultou a oferta mais vantaxosa para o Concello tendo en conta unha pluralidade de criterios de adxudicación en base á mellor relación calidade-prezo, na que se contemplan ademais distintas melloras como:

• Coordinador con diplomatura en área de servicios sociais a XORNADA COMPLETA
• Persoal administrativo a XORNADA COMPLETA.
• Grúas de mobilización persoal: 2 unidades/ano.
• Camas articuladas motorizadas con colchón adaptado:2 unidades/ano.
• Colchón “anti escaras”: 5 unidades/ano.
• Andadores: 5 unidades/ano.
• Horas de limpeza de choque ou profundidade en domicilio:50h/anuais.
• Podoloxía a domicilio: 10h/anuais.
• Fisioterapia a domicilio:20h/anuais.
• Terapia ocupacional a domicilio:10h/anuais.
• Transporte asociado a servizos de acompañamento: 20 servizos/anuais.

En canto ao prezo/hora ofertado para o servizo básico, o prezo de licitación en horario ordinario é de 20,22 euros a hora, e de 23,24 euros en horario festivo. Polo que respecta ao servizo de dependencia, o prezo de licitación é de 19,12 euros a hora, en horario ordinario, e de 21,98 euros en horario festivo. Estes son os honorarios aprobados para este ano 2023 e contémplase un incremento dos mesmos para os anos seguintes, 2024 e 2025, que supoñen unha oferta de 21,20 € no 2024 e 21,97 € no 2025 para o servizo básico en horario ordinario e 24,39 no ano 2024 e 25,26 € no ano 2025 en horario festivo. En canto ao servizo de dependencia, os prezos/ hora estipulados para os anos 2024 e 2025 serán de 20,05 € e 20,78 € respectivamente, en horario ordinario, e de 23,05 € no 2024 e 23,89 € no 2025 en horario festivo.

Segundo o alcalde, José Tomé, traballouse exhaustivamente na elaboración das bases para a licitación deste contrato, “dada a importancia e relevancia social que ten. Trátase dun investimento de gran importe, 5.513.724,58 € para un contrato de tres anos, que supón un gran esforzo dende o Concello para desenvolver este servizo social. Finaliza así a prórroga da concesión anterior e comeza unha nova etapa que esperamos se traduza na calidade do servizo tanto para os usuarios que o precisan, como para o equipo de traballadores e traballadoras que o van a desenvolver”.