APHEL organiza un curso de Enoturismo en Lugo

No curso participan 16 persoas que traballan na hostalería e no turismo en Lugo.

Darío Campos e Cheché Real cos asistentes ao curso/Deputación de Lugo

A Asociación Provincial de Empresarios de Hostalería e Turismo de Lugo (APEHL) , organiza un curso de Enoturismo que se celebra nas instalacións que esta asociación ten na cidade de Lugo.

Xoán Cannas, Director do Instituto Galego do Viño, é o encargado da formación dos alumnos, que conta con máis de 50 horas lectivas e no que participan 16 lucenses que traballan na hostalería e no turismo. A formación céntrase en aspectos como: a cultura do viño, elaboración de carta, xestión de sala, habilidades comunicativas, xestión do negocio e enoturismo. Os participantes realizan actividades teóricas e prácticas para coñecer, promocionar e informar sobre destinos turísticos, adegas e zonas con interese vitivinícola da Ribeira Sacra; así como dominar todo o relacionado co mundo do viño e todas as súas fases.

O Presidente da Deputación, Darío Campos, e o Presidente da Asociación Provincial de Hostelería de Lugo, Cheché Real, mantiveron un encontro cos participantes do curso. A formación está finaciada integramente pola Deputación cunha achega económica de 15.000 euros.

DEIXAR UN COMENTARIO

Please enter your comment!
Please enter your name here